Конфедерацијата на синдикални организации и независниот Полициски синдикат најавија протест на 1 Мај. Тие ги повикаа граѓаните да им се приклучат, и наместо на тој ден да прават скара, да учествуваат во протестот, преку кој ќе ги испратат барањата за подобрување на работничките права преку целосна измена на постојниот закон.
– Бараме комплетна измена на Законот за работни односи, не козметички измени, вели Марјан Ристески од Конфедерацијата на синдикални организации.
Независните синдикални организации бараат што побрзо да се оствари ветената реконструкција на овој закон, како и прекин на работата на извршителите.
– Овој грабеж, оваа пљачка што ја прават извршителите, мора конечно да и ставиме крај, рече Ристески.
Маршот е најавено да почне пред МРТ во 11 часот.
Од најголемиот синдикат во Државата, Сојузот на синдикатите на Македонија, се уште нема најава за активностите за Денот на трудот.
Leave a Reply